ACTUALITES

90 ans ! Djoyeûs anivèrsère mam’zèle BEN-RIO

Bon anivèrsère à noss’ djône fêye di 90 ans qui dispôye 1927 a todis disfindou li téâte Walon. Richard Orban noss’ fondateûr sèreût fîr di conter li nombe di djins qu’on ovrez dispôye li prumîre piéce « Rinti » en 1927. Èt c’èst grâce à tos cès djins là qui li Rwèyâle Troupe BEN-RIO èst co todis là.

Nos avans ossu polou profiter d’ôteûrs qui fît pârtêye dè l’troupe. A k’minci par Richard Orban. Èco on to grand mèrci à noss’ Jean Mahiels qui nos a qwité li 7 di décimbe 2016 qu’aveût li minme adje qui li Ben-Rio èt qui nos a scrîs dès hopès di piéces qui nos avans djowé . Mins ine troupe di téâte, çi n’èst nin qui lès djins qui vos vèyez so l’sinne. I n’a ossu tos lès ciss’ qu’ovrè è neûr. Sins zèls rin ni sèreut possibe.

Li 19 d’aous’ nos avans fièstîz lès 90 ans dè l’Rwèyâle Troupe Ben-Rio à Cruch’nêye là wice qui nos djowans asteûr. A 16h00, lès pwètes si sont droviètes so l’èspôzicion avou dès photos, dès accèsswères, dès costumes, dès afiches et ine mise à l’oneûr di Jean Mahiels li présidint d’oneûr disparètou. Dispôye 1927 i n’aveût nin di plèce assez po tot pinde so lès meûrs.

On djeu aveû situ èmantchî po tos lès visiteûs là qu’on polez-v’ wâgnît ine tablette. Julien Toussaint, on djône Ben-Rio di 22 ans aveu monté on contwèr po goster li bîre « BEN-RIO » qui fè lu minme èt dès ôtes bîres qui lome avou dès noms è Walon. A 19h00, i l’èsteût tins di s’mète à l’tâve. 130 sopers ont s’tu chèrvou par lès djônes dè l’troupe moussî avou leù t-shirts â coleûrs dè l’Ben-rio. Inte lès achètes, Paul-Henri Thomsin nos a règalé avou « Lès Liégeoiseries ». Li fédération Culturél Walonne dè l’province di Lîdje riprésintêye par Estelle Lemaire, Pierre Habets, Paul-Henri Thomsin et Gilbert Dans ont r’mètou lès mèdayes et diplômes di mèrite à tos lès ciss’ qu’avîs lès annêyes po èsse mètou à l’oneûr. Après tos lès rimèrcih’mints à l’fédérâtion, à l’comeune, â mimbes dè l’troupe èt à tos lès djins qu’èstîz là, nos avans sawourez li fin dè l’swèrêye avou on bon cafè ou ôte tchwè.

Li Rwèyâle Troupe Ben-Rio si pwète bin. Fwèrt bin minme èt come nos avans l’âbitude di djower 2 piéces par sâhon. Â meùs di novimbe nos djow’rans eune piéce da Jean-Mahiels

« Arèdjante Fignèsse » ! Quél bèle fièsse qui ça a s’tu ! Bon anivèrsère Mamzèle BEN-RIO !

Jean-Luc Derwa

 

Remise des prix aux lauréats décernés à l’issue des

Rencontres Provinciales d’Art Théâtral Wallon 2016- 2017

La Troupe " BEN-RIO " fête ces 90 ans